مدونة "الثورة نيوز": نص المقال - شكرا لمرافقي و رفيق دربي اللذان انقذاني من اعتداء أو ربما محاولة اغتيال هذا الصباح.
للحيوانات اللي لليوم يستخايلو اللي الحماية فخرة و لاّ جو ما يحس الجمرة كان اللي يعفس عليها. ما عندي علاش باش نحكي حكاية ما صارتش و ما عندها علاش الداخلية باش تقوم تسّخرلي حماية و انا مانيش مستهدفة . يزي ما سكت مانيش في حاجة لاشاعات باش نحيّر اسمي اللي عملتو في 30 سنة يكفيني باش نموت و راسي الفوق مانيش في حاجة لا لشهرة و لا لظهور اعلامي و لا غيرو كيما برشة متخلفين قاعدين يتصوّروا و حتى نهارة اللي جاتني الفرصة باش نظهر يصفة منتظمة في تلفزة خرجت منها كي ما ساعدتنيش حاجات .لذا تعاليقكم المبتذلة تنجمو تخليوها عندكم …للناس اللي ما فهمتش ما هيش عيشة انّك عايش و تعرف روحك مستهدف , ماهيش عيشة انك ما تتحرك كان و انت مرافق … ماهيش عيشة انّو يجيو ناس يعتديو عليك مجانا و حتى حد ماهو عايش في بلاصتي باش يحس اللي نحس فيه لذا احترموا رواحكم … حتى حد ما يعرف شمعناها انّك ترى الموت قدّامك و يمنّعوك الناس اللي يحميو فيك في اخر لحظة …و ما نجّم كان نعاود نشكرهم خاطر اليوم كان جيت وحدي راني ماعادش موجودة مع الناس اللي تحبني لكن من الطاف الله انّو مرافقي كان يقظ و قام بالواجب و اكثر و كذلك رفيق دربي. بقلم لينا بن مهني مدونة وأستاذة جامعية
ليست هناك تعليقات:
إرسال تعليق