مدونة "الثورة نيوز": نص المقال - نهار الجمعة في التصويت على رئيس الحكومة التحالف الديمقراطي صوت لمحمد الناصر (مرشحهم هوما) و للمستيري (مرشح النهضة و التكتل)، قال شنوة ما نحبوش نقسمو التونسيين..
عبارة ملاعبي يمركي بونطو في مرمى الخصم و بونطو في مرماه درئا للفتنة، مبعد قالوا علاش لا يحكموا الزوز بالتناوب (معناها نهار بنهار ولا جمعة بجمعة، آلو بربي خويا سي المستيري ؟ لا سامحني خويا هذي جمعة سي محمد الناصر، إرجع الخميس الجاي)، و في لاخر قبلوا بمهدي جمعة اللي مروفزينو الجبهة و الجمهوري و نداء تونس و قابلين بيه حزب كمال مرجان و العربي نصرة و سليم الرياحي و الطاهر هميلة مع النهضة و التكتل بالطبيعة، و هذا لكلو سي علاء في إطار الوحدة الوطنية و لتفادي تقسيم التونسيين سي علاء، فبحيث الجماعة اللي جايبينها "خيار ثالث" بين الدساترة و الخوانجية طلعوا في الواقع "فقوس لايث" أتعس منهم الزوز لا أكثر و لا أقل. و كيما قال المبدع على الدوام بيغا العظيم : مع معارضة كيما اللي عندنا نورمالمون النهضة تخرج مالحوار مكرزة كيفاش ما نجمتش تحط أبو عياض رئيس حكومة. هيثم المكي صحفي ومدون
ليست هناك تعليقات:
إرسال تعليق