هيثم المكي يتحدث عن ملف خطير يهم المرشح لرئاسة الحكومة أحمد المستيري

مدونة "الثورة نيوز": نص المقال - باهي، نحب نعلم اللي ما في بالهمش انو الخور الكبير اللي نراو فيه توة في الأجهزة الأمنية و الإستخباراتية خاصة في محاربة الإرهاب ماهيش فقط مسؤولية العريض و بن جدو، بل انو أكبر إنجاز في سياق إضعاف الأجهزة الأمنية مسجل في رصيد فرحات الراجحي، اللي حل جهاز أمن الدولة (و أي إنسان بالغ يحكي في السياسة نورمالمون يعرف الفرق بين البوليس السياسي و أمن الدولة)، و بالتالي حل البلاد على مصراعيها للعصابات الإرهابية و المخابرات الأجنبية و كل من كان يمكن القضاء عليهم بسهولة لو كان عندنا جهاز استعلاماتي قوي، يقع فقط إعادة هيكلتو و نزع المهام السياسية الموروثة من نظام بن علي منو...
باهي توة تعرفوا شكون جاب فرحات الراجحي للحكومة و نصح بيه الجماعة ؟ السيدة سهام بن سدرين و خاصة نسيبها... السيد أحمد المستيري !
هيثم المكي
صحفي ومدوّن